اولا : الحمد لله على كل شىْ
مصر فرحتنا فى 2006 وفى 2008 وشرفتنا قدام العالم كلة
اكيد احنا مش أول فريق بيخسر بالعكس اكبر فرق فى العالم بتخسر
يكفى أننا لحد النهاردة أسياد أفريقيا وبأذن الله هنفضل أسيادهم
بس اللى صعبان عليا بجد اللى حصل معانا من الجزائرين احنا اكيد منستهلش كدا
مع ان المشكلة كانت من البداية من عندهم هما لما حرقوا علمنا وسبونا
طيب ماهما كانوا كسبونا 3-1 ..........معملناش كدا لية ؟
ودلوقتى كسبونا وكمان بيضربونا
ياااااااااااااة دة ربنا كان رحيم بينا اووى اننا ماكسبناش
كانوا هيعملوا فينا أية لو كسبنا؟
بس أنا نفسى اسأل سؤال ....... لما الحكومة الجزائرية تطلع المجرمين من السجون وتجار المخدرات
والصعاليك دول ويبعتوهم فى طيارات خاصة حربية للسودان
يبقى هدفهم من كدا أية ؟
عايزين يعملوا أية ؟ بيخططوا لاية؟
ياجماعة بجد انا مش قادرة اصدق كل اللى بيحصل فينا دة
ومش قادرة اتخيل كمية الكراهية اللى معظم العرب شايلنها لينا
لية بيحصل فينا كدة؟
فية تعليق موجود على اليوتيوب لفت نظر ناس كتير اووى
واحدة مغربية بتقول
"انا مغربية واقول للجزائرين ربى يحفظكم رفعتوا راسنا وفرحتونا الله يديمها فرحة عليكم انا ميهمنيش من بعد فى المونديال ماذا سيكون المهم عندى ان مصر لاتتأهل "
تفتكروا لية كارهانا كدا؟؟!!!!!!!
لية كل الناس أخدت عننا فكرة اننا مابقاش عندنا كرامة.....وان الاهانة سهلة بالنسبالنا
لية بيحاولوا دايما يكسرونا ويشوهوا صورتنا؟
وكل ما حد يتكلم يقول احفاد الفراعنة واحفاد فرعون اللى عصى ربنا
لية محدش فيهم بيفتكر اننا البلد الوحيدة اللى اتذكر اسمها فى القران .....ومش مرة واحدة كمان
لية مابيتكلموش عن الطيبة اللى موجودة عندنا واللى ميعرفوش عنها اى معنى ولاة حتى احسااااس
لية بينسوا اننا طول عمرنا بلد الامن والامان
وال عايزين وحدة عربية ..........هتيجى منين الوحدة دى واحنا بنكوة بعض
حسبى الله ونعم الوكيل
ربنـــــــــــــــــــــا عالظــــــــــــــــــــــالم
عدل سابقا من قبل amira في الإثنين نوفمبر 23, 2009 4:39 am عدل 1 مرات